कपिलवस्तुमा भएका दुई फरक सवारी दुर्घटनाले दुई परिवारमा शोक थपेको छ।
जिल्लाको कपिलवस्तु नगरपालिका–९, जगदीशपुरस्थित जर्लैया जाने चोक नजिक टिपरको ठक्करबाट एक बालिकाको ज्यान गएको छ। लु २ ख ६४५५ नम्बरको टिपरले ठक्कर दिँदा परीक्षा दिएर घर फर्किँदै गरेकी ९ वर्षीया आशिका खत्रीको मृत्यु भएको हो।
यस्तै, कृष्णनगर क्षेत्रमा पनि अर्को दुर्घटना भएको छ। चन्द्रौटाबाट कृष्णनगरतर्फ जाँदै गरेको रा १ ख २१४२ नम्बरको बसले ठक्कर दिँदा बुद्धभूमि नगरपालिका–१० का डिल्लीराम थारूको ज्यान गएको प्रहरीले जनाएको छ।
घटनापछि दुवै स्थानमा स्थानीयवासीमा दुःख र आक्रोश देखिएको छ भने प्रहरीले घटनाबारे थप अनुसन्धान गरिरहेको छ।
प्रकाशित मिति: २०२६-०३-३१ , समय : २२:३७:४९ , २ दिन अगाडि