काठमाडाैं। शान्ति विना समृद्धि कल्पना गर्न नसकिने भएकाले राजनीतिमा पनि स्थायी शान्ति चाहिएकाे नेकपा एमालेकी नेतृ पूर्वमन्त्री भगबती चाैधरीले बताएकी छन् । २५६७ औं बुद्ध जयन्तिको अवसरमा शुभकामना सन्देश दिँदै प्रतिनिधि सभा सदस्य चाैधरीले उक्त कुरा बताएकी हुन् ।
‘शान्ति विना समृद्धि कल्पना पनि गर्न सकिन्न । राजनीतिमा स्थायी शान्ति अहिलेको अपरिहार्यता हो ।’ पूर्वमन्त्री चाैधरीले भनेकी छन् । तर, मुलुक दिन प्रतिदिन पुनः द्वन्द्वको चपेटामा परिरहेको बताउँदै उनले गौतम बुद्धले दिनुभएको अहिंसा, माया प्रेम र सद्भावको ज्ञानलाई अनुशरण गर्दै अगाडी बढ्नु जरुरी रहेकाे जनाएकी छन् । ‘अहिले प्रत्येक मानिस सामाजिक, आर्थिक, भौतिक, पारिवारिक, मानसिक द्वन्द्वमा रुमलिएको परिवेशमा भगवान गौतम बुद्धले दिनुभएको अहिंसा, माया प्रेम र सद्भावको ज्ञानलाई अनुशरण गर्दै अगाडी बढ्नु जरुरी छ ।’ २५६७ औं बुद्ध जयन्तिको अवसरमा सबैमा माया, प्रेम, सद्भाव र समभावको विकास होस भन्दै चाैधरीले शुभकामना दिएकी छन् ।
२५६७ औं बुद्ध जयन्तिको अवसरमा आज देशभर विविध कार्यक्रम गरि मनाइँदैछ । प्रत्येक वर्ष वैशाख शुक्ल पूर्णिमाका दिन बुद्ध जयन्ती मनाइन्छ । सिद्धार्थ गौतमले विश्व शान्ति स्थापनाका लागि पुर्याएको योगदानको स्मरणस्वरूप बुद्ध जयन्ती मनाउने गरिएको हो ।
प्रकाशित मिति: २०२३-०५-०५ , समय : १३:१९:०५ , ३ वर्ष अगाडि