काठमाडौं। राष्ट्रिय स्वतन्त्र पार्टीको संसदीय दलको नेतामा सभापति रवि लामिछाने चयन भएका छन्। सोमबार बिहान बसेको बैठकले लामिछानेलाई संसदीय दलको नेतामा चयन गरेको रास्वपाका प्रवक्ता तथा महामन्त्री डा.मुकुल ढकालले जानकारी दिए ।
उनका अनुसार प्रारम्भिक निर्वाचनमा निर्विरोध निर्वाचित भएका लामिछानेलाई संसदीय दलको नेता अनुमोदन गरिएको हो। राष्ट्रिय स्वतन्त्र पार्टीले प्रत्यक्षतर्फ ७ सिट र समानुपातिकमा १३ सिट गरी प्रतिनिधि सभामा २० सिट जितेको छ।
सो पार्टीले प्रमुख सचेतक, सचेतकलगायतको चयन गर्न बाँकी रहेको छ।
प्रकाशित मिति: २०२२-१२-१९ , समय : ११:४७:३६ , ४ वर्ष अगाडि